LAJME

Kurti: Pakoja për Rimëkëmbje Ekonomike do të përfshijë skemë kombëtare të punësimit

Kryeministri në detyrë, Albin Kurti, në Ditën Ndërkombëtare të Punëtorëve ka thënë se do të vazhdojë të jetë pranë tyre.

“1 Maji nuk është thjesht ditë feste e punëtorëve por ditë kur duhet reflektuar mbi të gjitha ditët tjera të punës. Përmes tyre e kuptojmë se kundërthëniet mes kapitalit dhe punës, pronarit dhe punëtorit, nuk kanë përfunduar. Prandaj sot kemi aq shumë sfida të punëtorëve para vetes”, është shprehur ai përmes Facebook.

Duke folur për sfidat që hasin punëtorët ai ka përmendur pakon e dytë pas asaj emergjente që ka theksuar se do t’i shërbejë punësimit.

“Me Pakon Fiskale Emergjente jemi siguruar që punëtorët që nuk mund të paguhen nga punëdhënësi të kompensohen nga Qeveria. Dhe, kjo të vlejë edhe për ata punëtorë në ekonominë joformale, por me kushtin që punëdhënësi t’ua sigurojë një kontratë njëvjeçare. Ndërsa për punëtorët që e humbin punën, kemi siguruar një asistencë të përkohshme deri në një zgjidhje më afatgjatë. Pikërisht Pakoja e dytë, ajo për Rimëkëmbje Ekonomike, do të përfshijë një skemë kombëtare të punësimit”, ka shkruar ai.

Leave a Reply

Your email address will not be published. Required fields are marked *